ಹೊಸವರುಷದಾಗಮವು ಹೊಸತೇನಲ್ಲ
ಹರಿವ ಹೊಳೆಯ ನೀರಿನ ಮೇಲೆ
ಹೊಸನೀರು ಬಂದಂತೆ
ಹೊಸದೆಂಬ ಹೆಗ್ಗಳಿಕೆ;ಒಳಗೆಲ್ಲ ಹಳೆಯದೆ.
ಅದೇ ಹರಿಯುವ ದಿಕ್ಕು
ನೀರಿಗೆ ಗುಣವಾಚಕ ಬೇರೆಯಷ್ಟೆ
ಹೊಸದುದರ ಬಯಕೆಯಲಿ
ಹಳೆಯದಕೆ ತಾತ್ಸಾರ
ದಿನ ಉರುಳಿದೆಂತೆಲ್ಲ
ದಿನಾಂಕ ಬದಲಾಯಿಸುವೆವು
ಸಂವತ್ಸರ ಕಳೆದಂತಲ್ಲ
ಪಂಚಾಂಗ ಬದಲಾದಿತು.
ನಮ್ಮ ಬದಲಾವಣೆ ಏನು?
ನಾವು ಬದಲಾಗಬೇಕೆಂಬ ಯೋಚನೆಗಳು
ಬದಲಾಯಿಸಲು ಬಯಸದಿದ್ದರೂ, ಹಳೆಯದಕೆ
ಮತ್ತೊಂದು ಕೂಡಿ ಬದಲಾಗುವ ವಯಸ್ಸು!
ಪ್ರಕೃತಿ ನಮ್ಮ ಬದಲಾವಣೆಗೆ
ಕೊಡುವ ಕಾಲವಕಾಶವೇ ಹೊಸವರುಷ
ಹಳೆಯ ತಪ್ಪು ಹೆಜ್ಜೆಗಳ ತಿಳಿದು
ಸರಿಯಾದ ಹೊಸಹೆಜ್ಜೆಯನಿಡುವ ಈ ವರುಷ
ಬದಲಾವಣೆ ಬಯಸುವ ಮನಸುಗಳೆ
ಇದೊ ನಿಮಗೆ ಹೊಸ ವರುಷದ ಶುಭಾಷಯ
ಬದಲಾದೆಂತೆಲ್ಲ ಬದಲಾಗಬೇಕು
ಏಕೆಂದರೆ ಬದಲಾವಣೆಯೆ ಜೀವನವಲ್ಲವೆ?
-ಎಂ.ಪಿ ರಂಗನಾಥ
೧-೧-೨೦೦೯
3 comments:
varsha eno badalagide..kelsa bega sikkidre hanebarahanu badalaguthe. Hope this 2010 is a better year than 2009 ..
ಹೊಸನೀರು ಬಂದಂತೆ
ಹೊಸದೆಂಬ ಹೆಗ್ಗಳಿಕೆ;ಒಳಗೆಲ್ಲ ಹಳೆಯದೆ.
thumba chennaagide ee bhaavane. keep it up...heeege bareeta iri geLeya
dude..... it's awesome............ all d best for ur future...........
Post a Comment